LIVE TV
ലിജോ ജോസ് പെല്ലിശ്ശേരിയുടെ സംവിധാനത്തില് ഇന്ദ്രജിത് സുകുമാരന് നായകനായി 2010ല് പുറത്തിറങ്ങിയ 'നായകന്' സിനിമ റീ-റിലീസ് ചെയ്യുന്നു. 16 വര്ഷങ്ങള്ക്ക് ശേഷം 4K ദൃശ്യമികവില് സെപ്റ്റംബര് 4നാണ് ചിത്രം തിയെറ്ററുകളിലെത്തുക. ലിജോ ജോസ് പെല്ലിശ്ശേരി സംവിധാനം ചെയ്ത ആദ്യ ചിത്രമാണിത്. തന്റെ കുടുംബത്തെ ഇല്ലാതാക്കിയവരോട് പ്രതികാരം ചെയ്യാന് എത്തുന്ന, വരദനുണ്ണി എന്ന കഥകളി കലാകാരനെയാണ് ഇന്ദ്രജിത്ത് അവതരിപ്പിച്ചത്.
പി.എസ്. റഫീക്കിന്റെ രചനയില് പുറത്തിറങ്ങിയ ചിത്രത്തില് ഇന്ദ്രജിത്തിന് പുറമേ തിലകന്, ജഗതി ശ്രീകുമാര്, ധന്യ മേരി വര്ഗീസ്, സിദ്ദിഖ്, വിജയരാഘവന്, ലാലു അലക്സ്, കലാശാല ബാബു, ചെമ്പന് വിനോദ് ജോസ്, ശ്രീജിത്ത് രവി, അനില് മുരളി, സാലു കെ. ജോര്ജ്ജ്, ശിവജ്, കിരണ്രാജ്, ടോഷ് ക്രിസ്റ്റി, മജീദ്, രാജീവ് കളമശ്ശേരി, അംബികാ മോഹന് എന്നിവരും നായകനില് ഒന്നിച്ചു. ഇല്ലുമിനാറ്റോ ഫിലിംസിന്റെ ബാനറില് അനൂപ് ജോണ്സണ് കരേടനാണ് ചിത്രം നിര്മിച്ചത്.
റിലീസ് വേളയില് ചിത്രം പരാജയപ്പെട്ടെങ്കിലും, ഇന്ദ്രജിത്തിന്റെ അഭിനയ കരിയറിലെ മികച്ച പ്രകടനങ്ങളില് ഒന്നാണ് വരദനുണ്ണി എന്ന കഥാപാത്രം. ദേവദൂതന്, ഛോട്ടാ മുംബൈ, ഫ്രണ്ട്സ്, സമ്മര് ഇന് ബത്ലഹേം എന്നീ സിനിമകള്ക്ക് ശേഷം ഹൈ സ്റ്റുഡിയോസ് ആണ് നായകന്റെ 4K ഡോള്ബി അറ്റ്മോസില് റീമാസ്റ്ററിംഗ് ചെയ്യുന്നത്. ഹൈസിന് ഗ്ലോബല് വെഞ്ചേഴ്സാണ് ചിത്രം തിയേറ്ററുകളില് എത്തിക്കുന്നത്. മനോജ് പരമഹംസയാണ് ചിത്രത്തിന്റെ ഛായാഗ്രഹണം. പ്രശാന്ത് പിള്ളയുടെ ശ്രദ്ധേയമായ സംഗീതവും നോണ്-ഇന്ട്രൂസീവ് സ്കോറും സിനിമയെപ്പോലെ തന്നെ ഏറെ വേറിട്ട ഒന്നായിരുന്നു പ്രേക്ഷകന്.
എഡിറ്റര്: മനോജ്, സൗണ്ട് ഡിസൈന്: രംഗനാഥ് രവി, ആര്ട്ട്: സാലു കെ ജോര്ജ്ജ്, പ്രൊഡക്ഷന് കണ്ട്രോളര്: അനില് മാത്യു, മേക്കപ്പ്: രാജീവ് അങ്കമാലി, കോസ്റ്റ്യൂംസ്: സുനില് റഹ്മാന്, ക്രിയേറ്റീവ് വിഷനറി ഹെഡ്ഡ്: ബോണി അസനാര്, പ്രോജക്ട് ഡിസൈനര്: അഭിമന്യു കൃഷ്ണന്, കളറിസ്റ്റ്: ഷാന് ആഷിഫ്, സ്റ്റുഡിയോ: ഹൈ സ്റ്റുഡിയോസ് & സപ്ത റെക്കോര്ഡ്സ്, അറ്റ്മോസ് മിക്സിംഗ്: ഹരിനാരായണന്, മാര്ക്കറ്റിംഗ് ഹെഡ്: ജിബിന് ജോയ്, റീസ്റ്റോറേഷന്: അരുണ് സി.എസ്, മാര്ക്കറ്റിംഗ് & ഡിസ്ട്രിബ്യൂഷന്: ഹൈസിന് ഗ്ലോബല് വെഞ്ചേഴ്സ്, സ്റ്റില്സ്: കാഞ്ചന്, ഡിസൈന്സ്: അര്ജുന്@ ഹൈ സ്റ്റുഡിയോസ്, പി.ആര്.ഒ.: പി. ശിവപ്രസാദ്.
Content Highlights: After sixteen years, the Lijo-Indrajith film 'Nayakan' is heading to theaters. The movie will arrive in cinemas on September 4, featuring enhanced 4K visuals.
